साईमत जळगाव प्रतिनिधी
जळगाव शहरात ऑटो रिक्षा चालकांनी एकदिवसीय धरणे आंदोलन करण्याच्या माध्यमातून त्यांच्या रोजगाराच्या समस्यांवर लक्ष वेधले आहे. जळगाव शहरात आणि आसपासच्या गावांमध्ये केंद्र सरकारच्या पीएम ई-बस सेवेच्या सुरुवातीमुळे ऑटो रिक्षा चालकांच्या आर्थिक स्थितीवर नकारात्मक परिणाम होत असल्याचे त्यांचे म्हणणे आहे. त्यांनी ई-बाईक टॅक्सीच्या खुल्या परवान्यांचे बंद करणे आणि ई-रिक्षांवर नियंत्रण आणण्याची मागणी केली आहे.
आंदोलकांनी पीएम ई-बस सेवासुरू करण्याचा निर्णय मागे घेण्याची जोरदार मागणी केली आहे. कारण, त्यामुळे आधीच आर्थिक अडचणीत असलेल्या ऑटो रिक्षा चालकांचे जीवनमान अधिक कठीण होईल, अशी भीती त्यांनी व्यक्त केली आहे. त्यांनी राज्यात ऑटो रिक्षांचे खुले परवाने तातडीने बंद करण्याची मागणी केली आहे.
आंदोलकांनी ई-रिक्षा वाहतूक नियमांचे पालन करण्याबाबतही मागणी केली आहे. ई-रिक्षा ओव्हरसिटिंग करतात आणि ठरवून दिलेल्या मार्गांवरून न चालता मनमानी करतात, ज्यामुळे वाहतुकीला अडथळा होतो आणि ऑटो रिक्षा चालकांच्या व्यवसायावर नकारात्मक परिणाम होत आहेत. आंदोलकांनी आपल्या मागण्यांचे लेखी निवेदन प्रादेशिक परिवहन अधिकारी यांच्यामार्फत राज्याचे परिवहन मंत्री आणि परिवहन आयुक्तांना दिले.
