शेंदुर्णीत रोहित पवार यांचेकडून कोरोना योध्दांचा सन्मान

शेंदुर्णी ता.जामनेर ः प्रतिनिधी
कर्जत-जामखेडचे आमदार रोहित पवार यांनी काल शेंदुर्णी येथील विघ्नहर्ता हॉस्पिटलला भेट देऊन कोरोना योध्दांचा सन्मान केला.
येथील पाचोरा रोडवरील विघ्नहर्ता हॉस्पिटलमधील विशेष उपचार कक्षाचे त्यांच्या हस्ते लोकार्पण व उद्घाटन करण्यात आले .त्यानंतर त्यांनी रुग्णालयात रुग्णांसाठी अल्पदरात सुरू असलेल्या सेवांची माहिती घेत सर्व विभागांना भेट दिली व विशेष उपचार कक्षाचे उद्घाटन केले.
डॉ.सागर गरुड यांनी कोरोना काळात मोफत अन्नधान्य वितरण, बारामती पॅटर्नवर आधारित घरपोच जेवणाचे डबे वितरण व कोरोना काळात मोफत औषध उपचार याबाबत माहिती घेत त्यांचा सत्कार केला.
यानंतर शेतकर्‍यांच्या अडचणी समजून संबंधित अधिकार्‍यांकडे पाठपुरावा करण्याचे आश्वासन दिले.यावेळी डॉ. सागर गरुड, डॉ. भूषण मगर,डॉ.विनोद परदेशी, राष्ट्रवादी प्रदेश सरचिटणीस वंदना चौधरी, जि.प. माजी सदस्य संजय गरुड ,शिवराज गरुड, विठ्ठल गरुड, भगवान बैरागी, माजी जि.प.सदस्य सागरमल जैन,शांताराम गुजर,डॉ.किरण सुर्यवंशी,राहुल सुर्वे,हरी माळी व पंचक्रोशीतून आलेले राष्ट्रवादीचे नवनिर्वाचित ग्रामपंचायत सदस्य ,नागरिक उपस्थित होते.