रविवारी भव्य शोभायात्रेने गावभर उत्साहाचे वातावरण निर्माण केले
साईमत /जळगाव / प्रतिनिधी
पिंप्राळ्यात हनुमान जन्मोत्सवाच्या निमित्ताने श्री केसरी नंदन बहुउद्देशीय संस्थेच्या वतीने आयोजित पाच दिवसीय कथा सोहळा उत्साहात पार पडला. कथाकार ह. भ. प. प्रा. मनोज महाराज कुलकर्णी यांनी आपल्या सुमधूर वाणातून भक्तांना हनुमानाच्या जीवनप्रवासाची माहिती व आनंददायी कथा ऐकवून कार्यक्रमाची शोभा वाढवली.
कथेदरम्यान सजीव आरास दाखवून प्रेक्षकांना दृश्यात्मक आनंद देण्यात आला. रविवारच्या भव्य शोभायात्रेत विविध रंगीबेरंगी पुतळे, धार्मिक नाट्यदृश्ये आणि सजीव देखावे शहरवासीयांचे लक्ष वेधून घेतले. संध्याकाळी भक्तांसाठी भंडाऱ्याचे आयोजन देखील करण्यात आले, ज्यामध्ये उपस्थितांनी उत्साहपूर्वक सहभाग घेतला.
कार्यक्रमाच्या यशस्वीतेसाठी अध्यक्ष मोहन बारी, उपाध्यक्ष रुपेश महाजन, सचिव गणेश कोळी, सदस्य अर्जुन बुंदे तसेच पिंप्राळा ग्रामस्थ व मित्रपरिवार यांनी अथक परिश्रम घेतले. संस्थेच्या या उपक्रमामुळे गावातील धार्मिक व सामाजिक वातावरण अधिक उत्साही व एकात्मिक बनले आहे.
या पाच दिवसीय सोहळ्यामुळे स्थानिक नागरिकांमध्ये भक्तीभावनाही वाढली आणि पिंप्राळा हनुमान जन्मोत्सवाच्या पारंपरिक उत्सवांमध्ये एक लक्षवेधी ठसा उमटला
