समाजबांधवांचा मोठा सहभाग
साईमत / जळगाव / प्रतिनिधी
कंजरभाट समाज युवा फाउंडेशनची वार्षिक सर्वसाधारण सभा रविवार, दि. २२ मार्च २०२६ रोजी के.बी.एस. समाजमंदिर येथे उत्साहात पार पडली. या सभेत सर्वानुमते योगेश अनिल बागडे यांची अध्यक्षपदी निवड करण्यात आली.
सभेची सुरुवात सचिव राहुल नेतलेकर यांनी प्रास्ताविक करून केली. त्यांनी मागील बैठकीच्या कार्यवाहीचे वाचन केले तसेच संस्थेचा वार्षिक अहवाल उपस्थितांसमोर सादर केला.
कार्यक्रमात मुख्य सल्लागार मोहन गारुंगे, उपाध्यक्ष प्रदीप नेतलेकर, कार्याध्यक्ष शशिकांत बागडे यांसह विजय अभंगे, नरेश बागडे, उमेश माछरेकर, संदीप गारुंगे, गणेश बागडे, वीर दहियेकर, गौतम बागडे, क्रांती बाटूंगे, संदीप बागडे, पंकज गागडे, कार्तिक बाटूंगे, सुमित माछरे, जयेश माछरे आदी समाजबांधव मोठ्या संख्येने उपस्थित होते.
सभेच्या शेवटी विजय अभंगे यांनी आभार प्रदर्शन केले. नव्यानिर्वाचित अध्यक्ष योगेश अनिल बागडे यांना उपस्थित सदस्यांनी शुभेच्छा दिल्या आणि समाजहितासाठी एकत्रितपणे कार्य करण्याचा संकल्प केला.
या बैठकीत उपस्थित समाजबांधवांनी एकमताने समाजाच्या प्रगतीसाठी योगदान देण्याची भूमिका निश्चित केली असून, आगामी कार्यक्रम आणि उपक्रमांसाठी उत्साहाचे वातावरण निर्माण झाले आहे.
