पिंप्राळा परिसरात धक्कादायक घटना
साईमत/जळगाव/प्रतिनिधी
शहरातील पिंप्राळा येथील कोळीवाडा परिसरात शनिवारी दुपारी ३८ वर्षीय तरुण मजुराने राहत्या घरी गळफास घेऊन आपले जीवन संपवल्याची धक्कादायक घटना घडली. मृतकाचे नाव जगदीश शिवदास सोनवणे असून या घटनेने परिसरात शोककळा पसरली आहे.
जगदीश शिवदास सोनवणे (वय ३८, रा. कोळीवाडा, पिंप्राळा) हे शनिवारी (दि. १४ फेब्रुवारी) दुपारी सुमारे १२:३० वाजता आपल्या घरात होते. या वेळेस अज्ञात कारणांमुळे त्यांनी जीवन संपवण्याचा निर्णय घेतला. घटनास्थळी माहिती मिळताच परिसरातील रहिवाशांनी गर्दी केली होती.
जगदीश हे हातमजुरी करून आपल्या कुटुंबाचा उदरनिर्वाह करत होते. कष्टकरी स्वभावाचे असूनही त्यांनी अचानक हे टोकाचे पाऊल का उचलले, याचे कारण अद्याप स्पष्ट झालेले नाही. त्यांच्या पश्चात आई, पत्नी, एक मुलगा आणि एक मुलगी असा परिवार आहे. घरातील कर्ता पुरुषाच्या अकस्मात मृत्यूनंतर कुटुंबावर मोठा दुखाचा डोंगर कोसळला आहे.
घटनेची माहिती मिळताच स्थानिक पोलीस घटनास्थळी धाव घेऊन पंचनामा केला. मृतदेह पुढील तपासासाठी शासकीय रुग्णालयात पाठवण्यात आला आहे. या प्रकरणी संबंधित पोलीस ठाण्यात अकस्मात मृत्यू नोंद करण्यात आली असून, पुढील तपास सुरू आहे.
या घटनेने पिंप्राळा परिसरात एकच धक्का निर्माण केला असून, स्थानिक नागरिक आणि कुटुंबीय हादरलेले आहेत.
