साईमत जळगांव प्रतिनिधी
श्री काथार कंठहार वाणी समाजसेवा संघ, जळगांव यांनी आयोजित केलेल्या वाणी प्रीमियर लीग (VPL) पर्व ३ स्पर्धा २४, २५ आणि २६ जानेवारी या तीन दिवसांमध्ये मानराज पार्क मैदान, प्रिंप्राळा येथे रंगल्या. या पर्वात १४ पुरुष संघ आणि ३ महिला संघ सहभागी झाले.
पुरुष स्पर्धेत हिंदवी स्वराज्य संघाने विजेतेपद पटकावले, तर काथार ११ संघाने उपविजेतेपद मिळवले. महिला स्पर्धेत काथार महिला ११ संघ विजेता ठरला आणि वाणी ११ संघाला उपविजेतेपद स्वीकारावे लागले. पुरुष मालिकावीर ठरले निलेश वाणी, तर महिला मालिकावीर ठरली पायल गौरव वाणी.
या तीन दिवसांत एकूण २४ सामने खेळले गेले. सर्व सामने उत्साही वातावरणात आणि निर्विघ्न पार पडले. यावेळी मागील पर्वापेक्षा अधिक चांगल्या पद्धतीचे नियोजन दिसून आले, तसेच आधुनिक तंत्रज्ञानाचा वापर करण्यात आला – यू ट्यूब लाईव्ह प्रक्षेपण, थर्ड अंपायर, रिव्ह्यू सिस्टीम तसेच व्यावसायिक समालोचन यांचा समावेश होता.
स्पर्धा यशस्वी व्हावी यासाठी सर्व आयोजकांनी मागील महिनाभर अथक परिश्रम घेतले. मैदान, ध्वनी, प्रकाश, भोजन, वेळापत्रक तसेच फंड गोळा करणे असे अनेक काम चोखपणे पार पडले. वाणी समाजाचे सर्व पदाधिकारी आणि वाणी प्रीमियर लीग सदस्यांच्या सहकार्यामुळे पर्व ३ यशस्वी झाले.
बक्षीस वितरण सोहळा देखील उत्साहपूर्ण झाला. यावेळी उपस्थित होते – RL समूहाचे प्रमुख मनीष दादा जैन, नगरसेवक अमर भाऊ जैन, वाणी समाजाचे अध्यक्ष अमोल वाणी सर, माजी अध्यक्ष विजय वाणी, ज्ञानेश्वर वाणी, सतीश वाणी, तसेच वाणी प्रीमियर लीगचे सदस्य जितेंद्र वाणी, गौरव वाणी, हितेश वाणी, मनीष वाणी, राज वाणी, दीपक दाळवाले, जीवन वाणी, पीयूष वाणी, प्रशांत वाणी, केशव वाणी, दिनेश वाणी, हरीश वाणी, अजय वाणी इत्यादी.
संपूर्ण कार्यक्रमातून वाणी समाजाच्या एकजुटीचा आणि उत्साही खेळाडूंच्या कौशल्याचा गौरव पाहायला मिळाला. आयोजकांच्या म्हणण्यानुसार, आगामी पर्व आणखी मोठ्या उत्साहात आणि आधुनिक तंत्रज्ञानाच्या साहाय्याने आयोजित केले जाईल.
