संघटनात्मक कामाची पावती म्हणूनच पक्षाने सोपविली जबाबदारी
साईमत/जळगाव/प्रतिनिधी :
भारतीय जनता पार्टीच्या महानगर जिल्हा ऑटो स्कुल व्हॅन आघाडी जिल्हाध्यक्ष पदावर प्रमोद अण्णा वाणी यांची नुकतीच नियुक्ती करण्यात आली. ही नियुक्ती मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण यांच्या आदेशाने केंद्रीय राज्यमंत्री रक्षाताई खडसे, जलसंपदा व आपत्ती व्यवस्थापन मंत्री गिरीष महाजन, वस्त्रोउद्योग मंत्री संजय सावकारे, प्रदेश महामंत्री विजय चौधरी, विभागीय संघटनमंत्री रवींद्र अनासपुरे तसेच खा. स्मिताताई वाघ, आ. सुरेश(राजूमामा) भोळे, आ. मंगेश चव्हाण, आ. अमोल जावळे यांच्या मार्गदर्शनाखाली केली. यावेळी महानगर जिल्हाध्यक्ष दीपक सूर्यवंशी, महानगर सरचिटणीस नितीन इंगळे, विशाल त्रिपाठी, राहुल वाघ, मुकुंद मेटकर, माजी शहराध्यक्ष उज्ज्वला बेंडाळे, शहराध्यक्ष नीतू परदेशी, प्रल्हाद सोनवणे, नारायण पाटील, सुनील जाधव, विजय अहिरराव यांच्यासह भाजपाचे पदाधिकारी, कार्यकर्ते उपस्थित होते.
प्रमोद वाणी यांनी भाजपाचे सक्रीय कार्यकर्तें म्हणून अनेक जबाबदाऱ्या यशस्वीपणे पार पाडल्या आहेत. आतापर्यंत केलेल्या संघटनात्मक कामाची पावती म्हणूनच पक्षाने त्यांच्यावर महत्वाची संघटनात्मक जबाबदारी दिली आहे. राष्ट्र प्रथम, एकात्म मानवतावाद, अंत्योदय, मूल्याधारित राजकारण अशा भाजपच्या विचारधारेवर गाढ विश्वास ठेवून, पक्ष शिस्त, संघ भावना व परस्पर सहकार्य अशा त्रिसूत्रीचे अनुपालन करत कार्यरत रहाल, अशी अपेक्षा त्यांना प्राप्त झालेल्या नियुक्तीपदावर नमूद केली आहे. नियुक्ती पत्रावर जळगाव महानगर जिल्हाध्यक्ष दीपक सूर्यवंशी यांची स्वाक्षरी आहे.
