छत्तीसगडमधील कारेगुट्टा जंगलात २० हजार जवानांनी १ हजार नक्षल्यांना घेरले !
बिजापूर (वृत्तसंस्था)-
छत्तीसगडमधील कारेगुट्टा जंगलात २० हजार जवानांनी १ हजार नक्षल्यांना घेरले आहे . ही कारवाई जिल्हा राखीव रक्षक दल, बस्तर फायटर्स, विशेष टास्क फोर्स, राज्य पोलीस दल, केंद्रीय राखीव पोलीस दल आणि कोब्रा बटालियन यांच्या संयुक्त पथकांनी राबवली. येथे झालेल्या चकमकीत पाच नक्षलवादी ठार झाल्याची माहिती समोर येत आहे.
छत्तीसगडमधील बिजापूर जिल्ह्यातील कॅरेगुट्टा जंगल परिसरात 1 हजार नक्षलवादी असल्याची माहिती समोर येत आहे. गुप्तचर माहितीच्या आधारे ही मोहीम आखण्यात आली.मोस्ट वॉन्टेड नक्षल कमांडर हिडमा आणि बटालियन प्रमुख देवा याच्यासह इतर महत्त्वाच्या नक्षल नेत्यांची हालचाल या भागात असल्याची माहिती सुरक्षा यंत्रणांना मिळाली होती. त्यानंतर व्यापक पातळीवर कारवाई सुरु करण्यात आली. कालपासून ही चकमक नडपल्लीच्या पहाडी परिसरात सुरू असून ड्रोनच्या माध्यमातून चकमकीवर सुरक्षा दल लक्ष ठेवून आहे.
अजून काही जखमी नक्षलवाद्यांची उपस्थिती नाकारता येत नाही. परिसरात शोधमोहीम सुरू आहे. दरम्यान, तीन राज्यांतील 20 हजारांहून अधिक सुरक्षा दलाचे जवान या कारवाईत सहभागी आहेत.
उसूर पोलीस ठाणे क्षेत्रातील गलगम-नडपल्ली परिसरातील डोंगराळ भागात ही चकमक सुरू या भागात नक्षलवादी लपून बसल्याची शक्यता गृहीत धरून सुरक्षा दलांनी मोहीम तीव्र केली असून उच्च दक्षता पाळली जात आहे.
