रेडक्रॉस सोसायटीतर्फे सन्मानपत्रासह स्मृतिचिन्ह देऊन प्रतिष्ठानचा सन्मान
साईमत/जळगाव/प्रतिनिधी
पूज्य साने गुरुजी शतकोत्तर रजत महोत्सवी जयंती वर्ष व छत्रपती राजर्षी शाहू महाराज शतकोत्तर सुवर्ण महोत्सवी जयंती वर्ष यानिमित्त समाज चिंतामणी प्रतिष्ठानतर्फे घेण्यात आलेल्या रक्तदान शिबिराला उत्स्फूर्त प्रतिसाद लाभला. संस्थेच्या उल्लेखनीय कार्याबद्दल रेडक्रॉस सोसायटीतर्फे सन्मानपत्र व स्मृतिचिन्ह देऊन सन्मान करण्यात आला. तसेच रक्तदात्यांनाही पुष्पगुच्छ व सन्मानपत्र देऊन गौरवण्यात आले. शिबिरात कवी किशोर नेवे यांनी ६५ वे रक्तदान केले. यावेळी किरण पाटील यांच्यासह मान्यवर उपस्थित होते.
यशस्वीतेसाठी प्रतिष्ठानचे अध्यक्ष आर. डी. कोळी, रेडक्रॉस सोसायटीच्या जनसंपर्क अधिकारी डॉ. उज्ज्वला वर्मा, डॉ. राजेश सुरळकर, डॉ.उल्हास तासखेडकर, तिलोत्तम जोशी, किरण बाविस्कर, महोत्सव समितीचे ज्येष्ठ सदस्य भास्करराव चव्हाण, गोविंद पाटील, निवृत्तीनाथ कोळी, ज्योती राणे, वर्षा अहिरराव, शालिनी सैंदाणे यांनी परिश्रम घेतले.
