रक्तदात्यांना जास्तीत जास्त रक्तदान करण्याचे आवाहन
साईमत/जळगाव/प्रतिनिधी :
पूज्य साने गुरुजी यांचे शतकोत्तर रजत महोत्सवी जयंती महोत्सवी वर्ष तसेच छत्रपती राजर्षी शाहू महाराज यांच्या शतकोत्तर सुवर्ण महोत्सवी जयंती वर्षानिमित्त समाज चिंतामणी प्रतिष्ठान संस्थेतर्फे वर्षभर विविध समाजोपयोगी उपक्रम राबविण्यात येत आहे. त्यातच रविवारी, १५ सप्टेंबर रोजी काव्य रत्नावली चौक, भाऊंच्या उद्यानाजवळ संस्थेतर्फे रक्तदान शिबिराचे आयोजन केले आहे. शिबिरात रक्तदात्यांनी जास्तीत जास्त संख्येने रक्तदान करावे, असे आवाहन जनसंपर्क अधिकारी उज्ज्वला वर्मा, महोत्सव समितीचे ज्येष्ठ सदस्य भास्करराव चव्हाण, सिंधुताईंचे मानसपुत्र डी. बी. महाजन, कवी निवृत्तीनाथ कोळी, प्रा. प्रकाश महाजन, संतोष मराठे, नारायण पवार, वर्षा अहिरराव, ज्योती राणे, सचिव शालिनी सैंदाणे, रंजना सोनवणे यांनी केले आहे.
रक्तदात्यांनी शनिवारी, १४ सप्टेंबरपर्यंत संस्थेचे अध्यक्ष आर. डी. कोळी (9860705108) तसेच कवी गोविंद पाटील (8788334882) यांच्याकडे नाव नोंदणीसाठी संपर्क साधावा, असे आवाहन केले आहे.
