साईमत / न्यूज नेटवर्क / जळगाव
सुब्रतो मुखर्जी फुटबॉल चॅम्पियनशिप जिल्हास्तरीय स्पर्धा नुकत्याच झाल्या. यात एकूण २७ शाळांचे संघ सहभागी झालेले होते. यामध्ये वेगवेगळ्या ग्रुपच्या सामन्यांमधून खान्देश कॉलेज एज्युकेशन सोसायटी संचलित ओरियन सीबीएसई इंग्लिश मीडियम स्कूलच्या संघाने आपले स्थान अतिशय मेहनतीने निश्चित केले.
ओरियन सीबीएसई इंग्लिश मीडियम स्कूलच्या संघाने क्वॉटर फायनलमध्ये सेंट टेरेसा स्कूलला २-१ हरवले आणि सेमी फायनलमध्ये उल्लेखनीय कामगिरी करत फायनलमध्ये प्रवेश केला; परंतु पोद्दार इंटरनॅशनल स्कूलच्या विद्यार्थ्यांसोबत त्यांना केवळ २-१ ने दुसऱ्या स्थानावर रहावे लागले. सर्व खेळाडूंना शाळेच्या क्रीडा शिक्षक योगेश महाजन आणि राजेंद्र सोनवणे यांचे विशेष मार्गदर्शन लाभले. विद्यार्थ्यांच्या या विशेष उल्लेखनीय कामगिरीमुळे संस्थेचे अध्यक्ष नंदकुमार बेंडाळे यांनी त्यांना पुढील वाटचालीसाठी शुभेच्छा दिल्या आहेत. तर प्राचार्या सुषमा कंची यांनी विद्यार्थ्यांचे कौतुक केले आहे.
