साईमत, जळगाव : प्रतिनिधी
तालुक्यातील रायपूर येथे सोमवारी, २२ जानेवारी रोजी प्रभु श्रीराम, माता सिता, भैया लक्ष्मण, राम भक्त हनुमान यांची एकत्रित मूर्तीची प्राण प्रतिष्ठापना हनुमान टेकडी येथे करण्यात येत आहे. त्यानिमित्त मोठ्या थाटात श्रीराम मूर्ती व श्री धाम अयोध्या येथून आलेल्या अक्षदा कलश यात्रा (मिरवणूक) २० जानेवारी रोजी मोठ्या थाटात काढण्यात आली. मिरवणुकीत मोठ्या संख्येने ग्रामस्थ, महिला, पुरुष, आबालवृद्ध सहभागी झाले होते.
मूर्तीची प्राण प्रतिष्ठापना करण्यासाठी रविवारी, २१ जानेवारी रोजी हनुमान टेकडी येथे श्रीराम लिहिलेल्या वह्यासह पाया भरणी करून ओटा तयार करण्यात आला. त्यासाठी सीताराम परदेशी, प्रवीण परदेशी, वसंत धनगर, राहुल परदेशी, लोकेश परदेशी, अक्षय राजपूत, राजेंद्र परदेशी, करण परदेशी, भीमराव धनगर आदी उपस्थित होते.
