साईमत, यावल : प्रतिनिधी
यावल पश्चिम वनक्षेत्रातील वाघझिरा तथा हरिपुरा वनपाल पथकाला यावल तालुक्यातील कोरपावली रस्त्यावर १ लाख ३४ हजार रुपये किमतीचा आडजात लाकडाचा एकाच ठिकाणी मोठा साठा पथकाने पकडला आहे. याप्रकरणी वनपाल पथकाने पुढील कारवाई केल्याने तालुक्यातील अवैध सागवानी व अवैध आडजात लाकूड व्यवसायिकांमध्ये मोठी खळबळ उडाली आहे.
गुरुवारी, १८ जानेवारी २०२४ रोजी गोपनीय बातमीवरून वनपाल वाघझिरा तथा अतिरिक्त कार्यभार हरीपुरा व हरीपुरा वाघझिरा राउंड स्टाफसह यावल तालुक्यातील दहिगाव येथे दहिगाव-कोरपावली कच्च्या रस्त्यावर तपासणी केली. तेव्हा अवैध इंजायली लाकूड साठा आढळून आला. जप्त मुद्देमाल इमारती नग ९३ घ.मी. १२.२१५, पंचरास जळाऊ थप्पी ११- घ.मी.११५.५१२ माल किंमत १ लाख ३४ हजार रुपये गुन्ह्याबाबत वनपाल हरीपुरा यांनी प्र.री.क्र.१/२०२४ दि.१८ जानेवारी २०२४ चा जारी केला आहे. ही कारवाई यावलचे उपवनसंरक्षक जमीर शेख, सहाय्यक वनसंरक्षक प्रथमेश हाडपे, यावल पश्चिम वनपरिक्षेत्र अधिकारी सुनील बिलावे यांच्या मार्गदर्शनाखाली वाघझिरा व अतिरिक्त कार्यभार वनपाल हरीपुरा येथील विपुल दि.पाटील, वनरक्षक हनुमंत सोनवणे, सरला भोंगरे, अशरफ तडवी, अक्षय रोकडे यांनी केली आहे.
