साळवे येथील इंग्रजी विद्यालयातील माजी विद्यार्थ्यांची ‘स्नेही भेट’ उत्साहात

   धरणगाव : प्रतिनिधी

   तालुक्यातील साळवे येथील  ग्राम सुधारणा मंडळ संचलित साळवे इंग्रजी विद्यालयात दहावीच्या सन २००४ च्या माजी विद्यार्थ्यांचा स्नेही भेट मिलन सोहळा रविवारी उत्साहात साजरा झाला.यावेळी माजी विद्यार्थ्यांनी आपल्या शैक्षणिक जीवनातील आठवणींना उजाळा दिला व आपले अनुभव कथन केले.

२० वर्षानंतर एकत्र आलेल्या माजी विद्यार्थ्यांनी या स्नेही भेट आयोजनाबद्दल आनंद व्यक्त केला व यानिमित्ताने माजी विद्यार्थ्यांना भेटण्याची संधी मिळाल्याबद्दल समाधान व्यक्त केले. यावेळी शिक्षकांनीही  माजी विद्यार्थ्यांना  मार्गदर्शन केले.अनेक माजी विद्यार्थ्यांनी आपला प्रवास कथन करतांना ,आपल्यासमोरील आव्हानांना आपण कसे सामोरे गेलो हे स्पष्ट केले तर काहींनी सध्या आपण  कोणत्या क्षेत्रात व कुठे कार्यरत आहोत,याबाबत माहिती दिली.मेळाव्यानंतरदेखील अनेक विद्यार्थी व विद्यार्थीनींनी एकमेकांची स्नेहभेट घेऊन हिजगुज केले.