साईमत, अमळनेर : प्रतिनिधी
तालुक्यातील मारवाड येथील ग्रामविकास शिक्षण मंडळ संचलित, नानाभाऊ मन्साराम तुकाराम पाटील कला महाविद्यालयात माजी राष्ट्रपती डॉ.ए.पी.जे.अब्दुल कलाम यांच्या जयंतीनिमित्त ‘वाचन प्रेरणा दिन’ नुकताच साजरा केला. याप्रसंगी महाविद्यालयाचे प्राचार्य डॉ.वसंत देसले यांच्या हस्ते प्रतिमेस माल्यार्पण करून अभिवादन केले.
यावेळी प्रमुख पाहुणे महाविद्यालयातील इंग्रजी विभागाचे प्रमुख प्रा.डॉ.पवन पाटील यांनी मनोगत व्यक्त केले. तसेच प्राचार्य डॉ.वसंत देसले यांनीही विद्यार्थ्यांना मार्गदर्शन केले. यावेळी विद्यार्थी विकास समन्वय समितीच्या (क.ब.चौ.उ.म.वि.जळगाव) सदस्यपदी निवड झालेले प्रा.डॉ.पवन पाटील यांचा प्राचार्य डॉ. वसंत देसले यांच्या हस्ते सत्कार करण्यात आला. तसेच ‘युवारंग’त सहभागी झालेल्या विद्यार्थ्यांनाही प्रमाणपत्राचे वाटप करण्यात आले. यावेळी महाविद्यालयाचे प्राध्यापक, प्राध्यापकेतर कर्मचारी उपस्थित होते. कार्यक्रमाची सांगता राष्ट्रगीताने झाली. सूत्रसंचालन विद्यार्थी विकास अधिकारी प्रा. डॉ. जितेंद्र माळी तर आभार प्रा. विजय पाटील यांनी मानले.
