साईमत, पाचोरा : प्रतिनिधी
पाचोरा तालुका सहकारी शिक्षण संस्था संचलित श्री. गो.से हायस्कूल, पाचोरा विद्यालयात राष्ट्रपिता महात्मा गांधी आणि भारताचे माजी पंतप्रधान लालबहादूर शास्त्री यांची जयंती साजरी करुन अभिवादन करण्यात आले. याप्रसंगी दोन्ही महान विभूतींच्या प्रतिमेस विद्यालयाच्या मुख्याध्यापिका पी.एम. वाघ , उपमुख्याध्यापक एन.आर. पाटील यांच्या हस्ते माल्यार्पण करण्यात आले. याप्रसंगी विद्यालयाचे पर्यवेक्षक आर.एल.पाटील, तांत्रिक विभाग प्रमुख एस.एन. पाटील, सांस्कृतिक विभाग प्रमुख आर. बी. तडवी, आर.बी.बोरसे, कार्यालयीन प्रमुख अजय सिनकर यांच्यासह सर्व शिक्षक, शिक्षकेतर कर्मचारी उपस्थित होते.
जयंती दिनाचे औचित्य साधून शालेय परिसर स्वच्छ केला. तसेच तंबाखूमुक्तीची शपथ घेतली. याप्रसंगी विद्यार्थ्यांनी तसेच बी.एस. पाटील, आर. बी .तडवी यांनी राष्ट्रपिता महात्मा गांधी, लालबहादूर शास्त्री यांच्याविषयी मनोगत व्यक्त केले. सूत्रसंचलन उज्ज्वल पाटील तर आभार मयूर देवरे यांनी मानले.
