साईमत, लोहारा, ता.पाचोरा : वार्ताहर
येथील जिल्हा परिषदेच्या कन्या शाळेत शाळा व्यवस्थापन समितीच्या पुढाकाराने शाळा व्यवस्थापन समिती आणि लोकवर्गणीतून सर्व विद्यार्थिनींना शालेय पोषण आहारासाठी थाळीचे नुकतेच वाटप करण्यात आले. शिक्षक सेनेचे चाळीसगाव तालुकाध्यक्ष मनोज पाटील यांनी सर्व विद्यार्थिनींना चमचा भेट दिला. अध्यक्षस्थानी शाळा व्यवस्थापन समितीचे अध्यक्ष संदीप गायकवाड होते. याप्रसंगी उपस्थित सर्व मान्यवरांच्या हस्ते थाळीचे वाटप करण्यात आले. यावेळी सर्व विद्यार्थिनींना शालेय पोषण आहारासाठी एक सारखी थाळी मिळाल्याने त्यांच्या चेहऱ्यावर आनंद दिसून आला.
प्रमुख पाहुणे म्हणून शाळा व्यवस्थापन समितीचे सदस्य प्रभाकर चौधरी, दीपक पवार, शुभांगी बनकर, दीपाली शिंदे, रेखा चुगंडे, प्रमिला पवार, शिक्षक सेनेचे तालुकाध्यक्ष मनोज पाटील, मुख्याध्यापक विजयसिंग राजपूत, उपशिक्षक तुकाराम पाटील, विलास निकम, कृष्णा तपोने, दिनेश तेली, संध्या पाटील, भारती बोरसे, भारती पाटील, नीता बडगुजर आदी उपस्थित होते.
यावेळी शिक्षणतज्ज्ञ सदस्य प्रभाकर चौधरी, दीपक पवार यांनी मनोगत व्यक्त केले. यावेळी शिक्षक सेनेचे तालुकाध्यक्ष मनोज पाटील यांनी एमटीएस परीक्षेत केंद्रात प्रथम आलेली मेघा दीपक पवार हिला बक्षीस देऊन तिचे कौतुक केले. सूत्रसंचालन विलास निकम तर आभार कृष्णा तपोने यांनी मानले.
