साईमत, जामनेर : प्रतिनिधी
शहरातील एका भागात राहणारी १३ वर्षीय अल्पवयीन मुलीला अज्ञात व्यक्तीने फूस लावून पळवून नेत अपहरण केल्याची खळबळजनक घटना घडली आहे. याप्रकरणी जामनेर पोलीस ठाण्यात अज्ञात व्यक्तीविरोधात गुन्हा दाखल केला आहे.
सविस्तर असे की, शहरातील एका भागात १३ वर्षीय अल्पवयीन मुलगी ही आपल्या परिवारासह वास्तव्याला आहे. सोमवारी, २१ ऑगस्ट रोजी सकाळी साडेसहा वाजेच्या सुमारास अज्ञात व्यक्तीने पीडित मुलीला राहत्या घरातून काहीतरी आमिष दाखवत फूस लावून अपहरण केल्याचे समोर आले. दरम्यान हा प्रकार लक्षात आल्यानंतर पीडित मुलीच्या नातेवाईकांनी तिचा सर्वत्र शोध घेतला. परंतू कोणतीही माहिती मिळाली नाही. अखेर सायंकाळी साडेसहा वाजता नातेवाईकांनी जामनेर पोलीस ठाण्यात धाव घेवून अज्ञात व्यक्तीविरोधात तक्रार दिली. त्यांनी दिलेल्या तक्रारीवरून अज्ञात व्यक्तीविरोधात जामनेर पोलीस ठाण्यात गुन्हा दाखल केला आहे. तपास पोलीस उपनिरीक्षक दीपक मोहिते करीत आहे.