साईमत, जळगाव, प्रतिनिधी,
जळगाव- येथील कांचन नगरात दशक्रिया विधीच्ाा स्वयंपाक सुरू असताना गॅस लिक झाल्यामुळे भीषण आग लागून घराची राखरांगोळी झाल्याची घटना कांचननगरात मंगळवारी सकाळी 10. वाजेच्या सुमारास घडली. याबाबत अकस्मात आगीची नोफ्लद शनिपेठ पोलिसात करण्यात आली आहे.
येथील कांचननगरातील सुभाष भाऊलाल बाविस्कर (वय 52) यांच्या शेजारी वृद्घाचे निधन झाले होते. या वृद्घाचा आज दशक्रिया विधी असल्याने स्वयंपाक करण्यासाठी सुभाष बाविस्कर यांनी त्यांची खोली शेजारच्यांना दिली होती. स्वयंपाक सुरू असताना अचानक गॅस सिलिंडर लिक झाले. त्यामुळे अवघ्या काही क्षणातच याठिकाणी भीषण आग लागली. या भीषण आगीत खोलीत असलेले सर्व कपडे तसेच संसारोपयोगी साहित्य, त्यांचे एलआयसीचे कागदपत्र, बँकेचे पासबुक, परिवाराचे शैक्षणिक कागदपत्रे जळून खाक झाले आहे. तसेच पार्टीशनचे घर जळून खाक झाले. त्यामुळे बाविस्कर कुटुंबीयांचा संसार उघड्यावर आला आहे.
या घटनेची माहिती नागरिकांनी महापालिकेच्या अग्निशमन विभागाला दिली. नागरिकांनी आपापल्या पद्धतीने पाण्याचा मारा करत आग विझवण्याचा प्रयत्न केला. मात्र आटोक्यात आली नाही. महापालिकेचा अग्निशमन विभागाचा बंब उशिरा पोहचला. तोपर्यंत आगीत संपूर्ण पार्टीशनचे घर खाक झाल्याचा आरोप या आगीत नुकसान झालेल्या घरमालकाने केला आहे. आगीबाबत माहिती देताना घरातील महिलेला अश्रू अनावर झाले होते.
शासकीय मदतीची मागणी
सुभाष बाविस्कर हे सेंटिंगचे काम करतात. त्यांची हलाखीची परिस्थिती असताना ही दुर्घटना घडल्यामुळे बाविस्कर कुटुंबीय उघड्यावर आले आहे. त्यांची एलआयसीचे कागदपत्र, बँकेचे पासबुक, परिवाराचे शैक्षणिक कागदपत्र जळून खाक झाले आहे. त्यांना शासनाने तातडीने मदत करण्याची मागणी होत आहे. या आगीत इतरही काही घरांचे नुकसान झाल्याची माहिती त्यांनी दिली आहे.
