साईमत, चोपडा : प्रतिनिधी
भडगाव तालुक्यातील गोंडगाव येथील चिमुकलीसोबत अमानुषपणे कृत्य करुन निर्घुण खून करणारा आरोपी व त्याला सहकार्य करणारे सहआरोपी यांना फाशीची शिक्षा व्हावी, याबाबत सकल मराठा समाज, मराठा क्रांती मोर्चा, सर्व पुरोगामी विचारसरणी संघटना तसेच सुजान नागरिकांच्यावतीने मोर्चा काढून चोपडाचे तहसीलदार भाऊसाहेब थोरात यांना निवेदन देण्यात आले.
बालिकेच्या हत्येप्रकरणी सीआयडी चौकशी करण्यात यावी. हा खटला जलदगती न्यायालयात चालविण्यात येवून खटल्याचे कामकाज विधीतज्ज्ञ ॲड. उज्ज्वल निकम यांच्याकडे देण्यात यावे. त्याबरोबरच पीडित कुटूंबाला आर्थिक मदत मिळावी, आरोपीला मुत्यूदंडाची शिक्षा व्हावी व पीडित चिमुकलीला न्याय मिळवून द्यावा, असेही निवेदनात नमूद केले आहे.
निवेदनावर यांच्या आहेत स्वाक्षऱ्या
निवेदनावर रवींद्र मराठे, आत्माराम मराठे, मनोज विसावे, विठ्ठल मराठे, सोपान मराठे, प्रताप मराठे, भरत कोळी, पुरुषोत्तम साळुंखे, रवींद्र पाटील, अशोक मराठे, श्रीराम चौधरी, राहुल मराठे यांच्यासह इतरांच्या स्वाक्षऱ्या आहेत.
