साईमत लाईव्ह यावल प्रतिनिधी
यावल पोलिस खासगी पटंरच्या माध्यमातून गाड्यांना अडवून कागद पत्रांची चौकशी करत असल्याचा गंभीर प्रकार समोर आणणार व्हिडिओ तुफान व्हायरल होत असून तालुक्यासह जिल्ह्यात खळबळ उडाली आहे. खासगी पंटरसह होमगार्ड कडून तपासणीच्या नावाने पैसे घेतले जात असल्याचे परिसरातील नागरिकांकडून आरोप होत आहे.
या व्यक्तींना गाडी अडवून कागद पत्रांच्या तपासणीचा अधिकार दिला कुणी असे सदरील व्हिडिओती व्यक्ती पोलिसांला विचारणा करत असल्याचे त्यात दिसत असून यावल चोपडा रोडवरील हा प्रकार असल्याचे सांगण्यात येत आहे. डीवायएसपी कुणाल सोनवणे यांच्याशी संपर्क साधला असता चौकशी करून योग्य ती कारवाई करण्यात येईल असे सांगण्यात आले. मात्र, या व्हिडिओने यावल पोलिसांच्या कार्यक्षमतेवर मोठे प्रश्नचिन्ह उपस्थित झाले आहे.
