चाळीसगाव येथे सोशल क्लबवर छापा

चाळीसगाव ः प्रतिनिधी
शहरातील हिरापूर रोडवरील दूध डेअरी भागातील लक्ष्मण राजपूत यांच्या भारतीय क्रिडा संस्था या सोशल क्लबवर नाशिक पोलीस महानिरीक्षक व चाळीसगाव पथकाने काल मध्यरात्री छापा मारून रमी, ३ पत्ती नावाचा जुगार कॉइनवर खेळताना १४ जुगार्‍यांना ७१ हजार १०० रुपयांचा मुद्देमालासह अटक केली.
मुद्देमालात ४६ हजार ६०० रुपये रोख, ८ मोबाईल, कॉइन, ५२ पत्त्याचा कॅट व जुगाराचे साधनांचा समावेश आहे.पथकामध्ये पोलीस निरीक्षक विजयकुमार ठाकूरवाड, सपोनि निसार सैय्यद, हवालदार गणेश पाटील, विजय पाटील, विनोद खैरनार आदींचा समावेश होता.नाशिकच्या पथकाने चाळीसगाव शहर पोलिस स्टेशनला गुन्हा दाखल केला आहे.