सोयगाव ः प्रतिनिधी
सोयगाव शहरातील जुना बाजार चौकात भरदिवसा झालेल्या जबरी घरफोडीत पोलिसांनी तपासचक्रे गतिमान करून मंगळवारीही दुसरा आरोपी सराफा दुकानदार यास काल शिताफीने अटक केली असून दोघांना मंगळवारी सोयगाव न्यायालयासमोर हजर केले असता,त्यांना गुरुवारपर्यंत तीन दिवस पोलीस कोठडीत ठेवण्याचे आदेश देण्यात आले आहे.
दरम्यान सोयगाव घरफोडी प्रकरणाचे धागेदोरे शेंदुर्णी ता.जामनेर येथेच आढळून आल्याने सोयगावात खळबळ उडाली आहे.सोयगाव शहारापासून हाकेच्या अंतरावर शेंदुर्णी हे मोठे बाजारपेठ म्हणून गाव आहे याच गावात सोयगाव शहरातील जबरी घरफोडीचे धागेदोरे सोयगाव पोलिसांना हाती आले आहे.
शेंदुर्णी ता,जामनेर गावातून सोमवारी संदीप गुजर यास पोलिसांनी अटक केल्यावर मात्र या चोरट्याने चोरलेला सोन्याचा मुद्देमाल खरेदी करणाऱ्या शेंदुर्णी येथील पारस ज्वलर्स चे मालक परेश ईश्वरलाल जैन रा. होळी मैदान शेंदुर्णी ता. जामनेर जि जळगाव यांना विक्री केलेले आहे.त्यावरून आम्ही शेंदुर्णी येथे येऊन परेश जैन यांना संदीप गुजर याने चोरीचे दागिने तुम्हाला विक्री केलेले आहे का? त्यावर परेश जैन यांनी चोरीचे सोन्याचे दागिने संदीप गुजर याचेकडून खरेदी केल्याची कबुली दिल्याने गुन्ह्यातील दागिने गुन्ह्यात जप्त करून परेश जैन यांना गुन्ह्यात अधिक विचारपूस केली असता गुन्ह्याचे अधिक तपासकामी परेश जैन यांना अटक करण्यात आली आहे.त्यामुळे सोयगाव घरफोडीचे पाळेमुळे आता शेंदुर्णी आणि नेरी या जामनेर तालुक्यातील दोन्ही गावात आढळून आले आहे.
शेंदुर्णी येथे येऊन परेश जैन यांना संदीप गुजर याने चोरीचे दागिने तुम्हाला विक्री केलेले आहे का? त्यावर परेश जैन यांनी चोरीचे सोन्याचे दागिने संदीप गुजर याचेकडून खरेदी केल्याची कबुली दिल्याने गुन्ह्यातील दागिने गुन्ह्यात जप्त करून परेश जैन यांना गुन्ह्यात अधिक विचारपूस केली असता गुन्ह्याचे अधिक तपासकामी परेश जैन यांना अटक करण्यात आली. याप्रकरणी औरंगाबाद ग्रामीणचे पोलीस अधीक्षक मनीष कलवानिया,उपविभागीय अधिकारी विजयकुमार मराठे यांच्या मार्गदर्शनाखाली पोलीस निरीक्षक सुदाम शिरसाट, पोना ज्ञानेश्वर सरताळे, राजू बरडे, सादिक तडवी, सागर गायकवाड, रवि तायडे आदी पुढील तपास करीत आहोत.