जामनेर : प्रतिनिधी
तालुक्यातील बेटावद बु॥ येथील २५ हजार रुपये किमतीची ट्रॅक्टरची ट्रॉली अज्ञात चोरट्यांनी चोरी केल्याची घटना उघडकीस आली आहे. याबाबत जामनेर पोलीसात अज्ञात चोरट्यांविरुध्द गुन्हा दाखल करण्यात आला.
याबाबत मिळालेली माहिती अशी की, बेटावद बु॥ येथील शेतरी उखर्डू तोताराम काळे (वय ७१) यांच्या मालकीची ट्रॅक्टर व ट्रॉली आहे. त्यांनी त्यांच्या बोदवड रोडवरील शेतात ट्रॉली (क्र.एम.एच.२८-ई-१८५५) ही लावून ठेवली होती. ३१ जानेवारी ते ५ फेब्रुवारी दरम्यान कोणीतरी अज्ञात चोरट्यांनी ही ट्रॉली चोरुन नेल्याचे निदर्शनास आले. याप्रकरणी जामनेर पोलीसात काळे यांच्या फिर्यादीवरुन अज्ञात चोरट्यांविरुध्द चोरीचा गुन्हा दाखल करण्यात आला असून पुढील तपास पो.ना. जनार्दन सोनोने हे करीत आहेत.
