जळगाव ः प्रतिनिधी
भारतीय जनता पक्षाच्या महिला आघाडी मंडल क्र. ५ च्या अध्यक्षपदी छाया किशोर सारस्वत यांची नुकतीच नियुक्ती करण्यात आली. पक्षाच्या महिला आघाडीच्या जळगाव जिल्हाध्यक्षा दीप्ती चिरमाडे यांच्या सहीचे नियुक्तीपत्र जळगाव जिल्हा प्रभारी जयश्री अहिरराव यांच्या हस्ते छाया सारस्वत यांना प्रदान करण्यात आले.
छाया सारस्वत यांनी पक्षीय पातळीवर आजवर सांभाळलेल्या विविध जबाबदार्या व त्यांची काम करण्याची पद्धत या बाबींचा या नियुक्तीसाठी प्रकर्षाने विचार करण्यात आला आहे. नियुक्तीपत्र प्रदान करतेवेळी महापौर भारतीताई सोनवणे, माजी महापौर सीमाताई भोळे, भाजप महिला आघाडीच्या जिल्हा उपाध्यक्षा रेखा कुळकर्णी, सरचिटणीस ज्योती राजपूत, नितू परदेशी उपस्थित होत्या. छाया सारस्वत यांच्या या नियुक्तीबद्दल माजी मंत्री गिरीश महाजन, खासदार उन्मेष पाटील, आमदार राजूमामा भोळे, संजय सावकारे, जिल्हाध्यक्ष दीपक सूर्यवंशी आदींनी त्यांचे अभिनंदन केले व भावी वाटचालीसाठी शुभेच्छा दिल्या आहेत.
