जळगाव ः प्रतिनिधी: राज्यातील सर्व जिल्हा बँकांच्या विविध प्रश्नांचा ऊहापोह नवी मुंबई येथे झालेल्या एकदिवसीय परिषदेत करण्यात आला. या परिषदेत बँकांच्या अडचणींवर उपाययोजना सुचवण्यात आल्या. जळगाव जिल्हा मध्यवर्ती सहकारी बँकेतर्फे चेअरमन गुलाबराव देवकर यांनी आपली भूमिका मांडली.
सर्व जिल्हा बँकांची एक दिवसीय परिषद वाशी (नवी मुंबई) येथे महाराष्ट्र राज्य सहकारी बँक सभागृहात सोमवारी झाली. देशाचे सहकार नेते व माजी केंद्रीय कृषिमंत्री खासदार शरद पवार यांच्या अध्यक्षतेखाली व राज्याचे सहकारमंत्री बाळासाहेब पाटील यांच्या प्रमुख उपस्थितीत ही परिषद पार पडली.
पवारांनी जिल्हा बँक कारभारासंदर्भात उपस्थितांना मार्गदर्शन केले. परिषदेत जिल्हा सहकारी बँकेच्या विविध प्रश्नांवर चर्चा करण्यात आली.
महाराष्ट्र राज्य सहकारी बँकेतर्फे या परिषदेचे आयोजन करण्यात आले होते.
जिल्हा बँकांच्या प्रश्नांवर मुंबईत चर्चा
By Saimat
