साईमत सोयगाव प्रतिनिधी
तालुक्यातील फर्दापूर येथील आदर्श नागरी सहकारी पतसंस्थेत ठेवीदारांची 3 कोटी 75 लाख अडकले असून याबाबत राज्यमंत्री अब्दुल सत्तार यांना ठेवीदारांनी लेखी निवेदन देऊन पत संस्थेत अडकलेली रक्कम परत मिळवून देण्याची मागणी करून रक्कम परत न मिळाल्यास आमच्या कडे आत्महत्या शिवाय दुसरा पर्याय नसल्याची खंत व्यक्त केली आहे.
दोनशे दोन कोटींचा घोटाळा उघड झालेल्या व सध्या अटकेत असलेल्या अंबादास मानकापे यांच्या आदर्श नागरी पतसंस्थेची फर्दापूर येथे एकमेव शाखा आहे या शाखेत फर्दापूर परिसरातील छोटे व्यापारी, शेतकरी मजूर कष्टकरी सेवानिवृत्त कर्मचारी व्यावसायिक असे साडे तीनशे पेक्षा जास्त सभासदांनी आपली फिक्स डिपॉजिट सेविंग व पिग्मी अशी वेगवेगळी खाते उघडून आपली कष्टाची व आयुष्यभराची कमाई ठेवली आहे.
