जळगांव प्रतिनिधी :– विद्यावर्धिनी शिक्षण संस्थेने चालविलेल्या प्रोग्रेसिव्ह इंग्लिश मीडियम स्कूल व प्रगती माध्यमिक शाळेचा निकाल 100% लागला असून संस्थेच्या वतीने सर्व गुणवंत विद्यार्थ्यांचा व त्यांच्या पालकांचा सत्कार करण्यात आला. या प्रसंगी संस्थेचे संस्थापक माननीय श्री प्रेमचंदजी ओसवाल, संस्था अध्यक्षा श्रीमती मंगलाताई दुनाखे,संस्था सचिव श्री सचिन दुनाखे सर यांनी विद्यार्थी व पालकांचा पुष्पगुच्छ देऊन व पेढे भरवून सत्कार केला. शाळेच्या मुख्याध्यापिका सौ. मनीषा पाटील व श्रद्धा दुनाखे यांनी विद्यार्थ्यांचे कौतुक करून भावी वाटचालीसाठी शुभेच्छा दिल्या. तसेच सर्व शिक्षकांनी विद्यार्थ्यांचे कौतुक केले. कार्यक्रमाचे सूत्रसंचालन सुवर्णा पाटील यांनी केले तर आभार प्रदर्शन सौ वैद्य मॅडम यांनी केले कार्यक्रमाच्या यशस्वीतेसाठी सर्व शिक्षक व शिक्षकेतर कर्मचारी यांनी परिश्रम घेतले.
