बुलडाणा : प्रतिनिधी
खामगाव शहरानजीकच्या घाटपुरी देवी जवळ ट्रकने धडक दिल्याने दुचाकीवरील आठ महिन्याचे बाळ जागीच ठार झाले तर त्याची आई गंभीर जखमी झाल्याची घटना रविवारी सायंकाळच्या सुमारास घडली. या अपघातामुळे दुचाकीस्वार आंनद चांडक यांना धक्का बसला आहे.
जळगाव जामोद तालुक्यातील खणदावी येथील आंनद चांडक हे आपली पत्नी दुर्गा आणि आठ वर्षीय हंस यांच्या सोबत खामगाव येथील रुग्णालयात दाखल असलेल्या एका नातेवाईकाला भेटण्यासाठी आले होते. सायंकाळी ते घरी परतात असताना शहरानजीकच्या घाटपुरी देवी जवळ त्यांचा अपघात झाला.
प्राथमिक माहितीनूसार चांडक यांनी घटनास्थळावरील असलेल्या स्पीड ब्रेकर इथं वाहनाचा वेग केला तेव्हा पाठीमागून भरधाव येणाऱ्या ट्रकने त्यांच्या दुचाकीस धडक दिली. या अपघातात चांडक यांच्या आठ महिन्याचे बाळ जागीच ठार झाले. तर त्यांची पत्नी दुर्गा या गंभीर जखमी झाल्या. या अपघातानंतर नागरिकांनी जखमींना तातडीने रुग्णालयात हलविले. दरम्यान दुर्गा यांची प्रकृती चिंताजनक असल्याने त्यांना अकोला येथे हलविण्यात आले आहे. पोलिसांनी ट्रक चालकाला ताब्यात घेतले आहे.
