एमआयडीसी पोलिसात अकस्मात मृत्यूची नोंद
साईमत/जळगाव/प्रतिनिधी :
शहरातील अजिंठा चौफुलीजवळ अज्ञात वाहनाने दुचाकीला दिलेल्या धडकेत दुचाकीस्वार तरूण जागीच ठार झाल्याची घटना सोमवारी, २६ मे रोजी मध्यरात्रीच्या सुमारास घडली. याप्रकरणी एमआयडीसी पोलीस ठाण्यात अकस्मात मृत्यूची नोंद केली आहे. प्रेम धीरज ठाकूर (वय २०, रा. शिंदे नगर) असे मयत तरुणाचे नाव आहे. दरम्यान, रुग्णालयात नातेवाईकांसह मित्रपरिवाराने गर्दी केली होती.
प्रेम ठाकूर हा कुटुंबियांसह वास्तव्याला होता. तो टुर ॲण्ड ट्रॅव्हल्सचा व्यवसाय करून उदरनिर्वाह करत होता. २६ मे रोजी मध्यरात्रीच्या सुमारास प्रेम हा शिंदे नगरातून अजिंठा चौफुलीतील चौकाकडे जात असतांना अज्ञात वाहनाने त्यांच्या दुचाकीला समोरून जोरदार धडक दिली. त्या धडकेत प्रेम ठाकूर हा जागीच ठार झाला.
दरम्यान, ही घटना घडल्यानंतर एमआयडीसी पोलिसांनी घटनास्थळी धाव घेतली. घटनेचा पंचनामा करून त्याचा मृतदेह जिल्हा शासकीय रूग्णालयात दाखल केला.
