दोन लाखांच्या चोरीचा महिलांवर संशय
धरणगाव (प्रतिनिधी)-
धरणगाव शहरातील एका कॉम्प्युटर सेंटरमध्ये पिशवीत ठेवलेल्या पाच लाख रुपयांच्या रोकडमधून दोन लाखाची रोकड सफाईने काढुन संशयितांनी पोबारा केला. दरम्यान सीसीटीव्ही कॅमेऱ्यात दोन संशयित महिला कैद झाल्या आहेत.
धरणगाव येथील बालाजी कॉम्प्युटर सेंटरमध्ये २० मार्च रोजी सकाळी ही चोरी झाली. सुविधा केंद्राच्या टेबलाजवळ पिशवीत पाच लाखाची रोकड होती. केंद्रात दोन महिला आल्या. कामाबाबत त्यांनी विचारपूस करत पिशवीतून दोन लाखाची रोकड नेली.
भुषण पाटील (वय ३५, रा. धरणगाव) यांच्या तक्रारीनुसार धरणगाव पोलीस ठाण्यात दोन महिलांवर गुन्हा दाखल करण्यात आला. पोलिसांनी सीसीटीव्ही फुटेज प्राप्त करत तपासाला गती दिली आहे. हवालदार चंदुलाल सोनवणे तपास करीत आहेत.
