साईमत, जळगाव : प्रतिनिधी
भारतीय लोकशाही बळकट करण्यासाठी सर्व मतदारांनी कोणत्याही प्रकारच्या प्रलोभनांना अथवा दबावाला बळी न पडता नि:पक्षपातीपणे सारासार विचार करून आपला अमूल्य मतदानाचा हक्क बजवावा, असे आवाहन मतदान केंद्रस्तरीय अधिकारी आर. डी. कोळी यांनी केले. कै.सुनिता जगन्नाथ वाणी भगीरथ इंग्लिश स्कूल शाळेत मतदार जनजागृती अभियाननिमित्त कार्यक्रमाचे आयोजन केले होते. त्यावेळी ते मार्गदर्शन करतांना बोलत होते.
याप्रसंगी सर्वांनी मतदान करण्याची प्रतिज्ञा घेतली. तसेच घोषणाही देण्यात आल्या. कार्यक्रमाला शाळेच्या मुख्याध्यापिका प्रिया सफळे, किशोर पाटील, अमोल चौधरी यांच्यासह विद्यार्थी उपस्थित होते.
