साईमत लाईव्ह चोपडा प्रतिनिधी
जळगाव जिल्ह्यासह संपूर्ण राज्याला हादरवून सोडणारी खळबळजनक घटना चोपड्यात घडली आहे. चोपड्यात ऑनर किलिंगमधून दोघांचा खून झाला आहे त्यात मुलाची गोळी मारून तर मुलीचा गळा दाबून खून करण्यात आला आहे.या थरारक घटनेमुळे समाजमन हादरुन गेले आहे.
या संदर्भात अधिक माहिती अशी की, चोपडा शहर पोलीस स्थानकात रात्री साडेदहा वाजेच्या सुमारास एक अल्पवयीन मुलगा पिस्टल घेऊन पोलिसात हजर झाला आणि आपण दोघांचा खून केल्याची माहिती दिली. त्यानुसार पोलिसांनी चोपडालगत जुना वराड रोड शिवारात पाहणी केली असता नाल्यात दोघांचे मृतदेह आढळून आले. त्यात मुलाची गोळी मारून तर मुलीचा गळा दाबून खून करण्यात आल्याचे समोर आले.
दरम्यान, पोलिसांनी दोन संशयित अल्पवयीन आरोपींना ताब्यात घेण्यात आले आहे तर दोघांचा शोध सुरु आहे. वर्षा समाधान कोळी (वय 20, रा. सुंदरगढी, चोपडा) आणि राकेश संजय राजपूत (वय, 22, रा. रामपूर चोपडा) अशी मयत युगालाची नावे आहेत. प्रेम संबंधातून खून झाल्याची माहिती समोर आली असून या प्रकरणी मयत मुलीचा अल्पवयीन भाऊच फिर्यादी झाला असल्याची माहिती पोलिसांनी दिली आहे. पुढील तपास सहा.पोलीस अधीक्षक कृषीकेश रावले हे करीत आहेत.
दरम्यान, पोलिसांनी दोन संशयित अल्पवयीन आरोपींना ताब्यात घेण्यात आले आहे. तर दोघांचा शोध सुरु आहे. प्रेम संबंधातून खून झाल्याची माहिती समोर आली आहे.
