एमआयडीसी पोलिसांची कारवाई
साईमत/जळगाव/प्रतिनिधी
तालुक्यातील उमाळा बसस्थानकासमोरून दुचाकीसह दोन चोरट्यांना पोलिसांनी कारवाई करत अटक केली आहे. त्यांच्याकडून चोरीच्या एकुण ३ दुचाकी जप्त केल्या आहे. ही कारवाई एमआयडीसी पोलिसांनी गुरूवारी दुपारी केली आहे. अजून काही गुन्हे उघडकीला येण्याची शक्यता असून याबाबत चौकशीला सुरूवात केली आहे.
सविस्तर असे की, जामनेर तालुक्यातील गाडेगाव येथील रहिवाशी भूषण झांबरे १९ सप्टेंबर रोजी कामानिमित्त (क्र.एमएच १९ बीएल ९३३४) या दुचाकीवरून जळगावकडे येत असताना रस्त्यावरील उमाळा बसस्थानकाजवळ नास्ता करण्यासाठी थांबले होते. त्यावेळी अज्ञात चोरट्यांनी अवघ्या २० मिनिटात हे त्यांची दुचाकी चोरून नेली. याबाबत एमआयडीसी पोलीस ठाण्यात गुन्हा दाखल केला होता. दरम्यान कुसुंबा शिवारातील काही मुलांनी उमाळा गाव परिसरात अजून काही दोन दुचाकी चोरून पोलीस निरीक्षक दत्तात्रय निकम यांना माहिती मिळाली. या गुन्ह्याच्या शोध घ्यावा, अशा सूचना त्यांनी दिल्या होत्या.
यांचा होता पथकात समावेश
पथकातील पोलीस उपनिरीक्षक दीपक जगदाळे, पोलीस कॉन्स्टेबल दत्तात्रय बडगुजर, गणेश शिरसाळे, किशोर पाटील, विकास सातदिवे, योगेश बारी, नितीन ठाकूर, नाना तायडे, किरण पाटील, गणेश ठाकरे, ललित नारखेडे यांनी कारवाई करत संशयित आरोपी पवन उर्फ भांजे गणेश पाटील (वय २२) आणि निखिल जयराम पाटील (वय २१, दोन्ही रा. इंदिरानगर, कुसुंबा) या दोघांना ताब्यात घेतले. त्यांच्याकडून चोरीच्या एकूण तीन दुचाकी हस्तगत केल्या आहे. पुढील तपास पोलीस नाईक विकास सातदिवे करीत आहे.
