साईमत, धरणगाव : प्रतिनिधी
तालुक्यातील बांभोरी येथील एसएसबीटी महाविद्यालयात पेपर देण्यासाठी आलेल्या तीन विद्यार्थ्यांचे मोबाईल लांबविल्याचा प्रकार शुक्रवारी १ सप्टेंबर रोजी सकाळी १० ते १२ वाजेच्या दरम्यान घडला आहे. याप्रकरणी धरणगाव पोलीस ठाण्यात अज्ञात चोरट्यांविरोधात गुन्हा दाखल केला आहे.
जळगाव तालुक्यातील सावखेडा येथील प्रज्वल चंपालाल पाटील (वय १९) हा तरूण शुक्रवारी १ सप्टेंबर रोजी सकाळी १० वाजता धरणगाव तालुक्यातील बांभोरी येथील एसएसबीटी महाविद्यालयात परीक्षा असल्याने मित्रांसह ते पेपर देण्यासाठी गेले होते. सकाळी १० वाजता पेपर असल्याने परीक्षेच्या आधी प्रज्वल पाटील यांनी त्यांच्या बॅगमध्ये त्याचे व मित्रांचे ३ मोबाईल बँगेत ठेवून परीक्षा हॉलमध्ये गेले. दरम्यान दुपारी १२ वाजता पेपर सुटल्यानंतर बॅग तपासली. तेव्हा अज्ञात चोरट्यांनी तीन मोबाईल चोरून नेल्याचे समोर आले. ही घटना घडल्यानंतर तरूणाने सर्वत्र शोध घेतला. परंतू कोणतीही माहिती मिळाली नाही. अखेर शनिवारी धरणगाव पोलीसात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात धरणगाव पोलिसात गुन्हा दाखल केला आहे. तपास पो.हे.कॉ. गजानन महाजन करीत आहे.
