साईमत, जामनेर : प्रतिनिधी
तालुक्यातील जांभोळ येथील शाळा व्यवस्थापन समिती, ग्रामस्थ, शिक्षक वृंद, विद्यार्थ्यांनी निरोपाचा कार्यक्रम आयोजित केला होता. ‘ सन्मान गुरुजनांचा व निरोप समारंभ’ असा दुहेरी कार्यक्रम समितीने नियोजित केलेला होता. कार्यक्रमाचे प्रमुख पाहुणे म्हणून जैन इरिगेशन समूहाचे संचालक राजपूत होते.
मागील काही १९९१ वर्षापासून उत्कृष्ट सेवा बजावणाऱ्या शिक्षक-शिक्षिकांना कार्यक्रमाला आमंत्रित करून त्यांचा सन्मान करण्यात आला. त्यात शेषराव देशमुख गुरुजी, दिलीप कुंभार, सुनील पाटील, अनिल महाजन, श्री.खैरनार, श्रीमती शेवाळे तसेच ऑनलाईन बदली झालेल्या शिक्षकांनाही निरोप देण्यात आला. त्यात राजेंद्र भोई, नाना धनगर, श्री.सुरळकर, श्री.इंगळे, श्री.पाटील यांचा समावेश होता. शाळेच्या प्रवेशद्वाराजवळ औक्षण करून फुलांचा वर्षाव करून शाळा व्यवस्थापन समिती व ग्रामस्थांनी आगळे वेगळे स्वागत केले. यावेळी प्रत्येक शिक्षकांनी मनोगत व्यक्त केले. निरोपावेळी विद्यार्थी, शिक्षक, ग्रामस्थांचे डोळे पाणावले होते.
कार्यक्रमासाठी शाळा व्यवस्थापन समितीचे अध्यक्ष सुभाष शेळके, उपाध्यक्ष अप्पा पाटील, अनिल पाटील, ईश्वर पांढरे, अशोक कोलते, मनोज गोसावी, सलीम तडवी, सुनील सावळे, पोलीस पाटील अमित तडवी, पांडुरंग जोशी, गजानन दांडगे, कडूबा जोशी, अमोल पवार तसेच समस्त ग्रामस्थांनी सहकार्य केले. ग्रामस्थांकडून कडूबा जोशी, मुंबई पोलीस अप्पा पाटील उपाध्यक्ष, प्रशांत डोखळे, शिक्षण प्रेमींनी शिक्षकांविषयी मनोगत व्यक्त केले. प्रास्ताविक मुख्याध्यापक अशोक पाटील, सूत्रसंचलन अनिल माळी तर गणेश माळी यांनी आभार मानले.
