मान्यवरांकडून पुस्तकाचे होतेय कौतुक
साईमत/चाळीसगाव/प्रतिनिधी:
तालुक्यातील वाडीलालभाऊ राठोड माध्यमिक आश्रमशाळेचे उपक्रमशील शिक्षक सतीश साहेबराव सूर्यवंशी लिखित आणि नाशिकच्या ज्ञानसिंधु प्रकाशनद्वारा प्रकाशित ‘सेल्फी विथ सक्सेस’ पुस्तकांचे प्रकाशन मुंबई उच्च न्यायालयाचे सेवानिवृत्त न्या.संगीतराव पाटील, उपशिक्षणाधिकारी सचिन परदेशी, शिक्षण विस्तार अधिकारी विजय पवार, गटशिक्षणाधिकारी विश्वासराव पाटील, सेवा सहकारी शिक्षण प्रसारक मंडळाचे उपाध्यक्ष मच्छिंद्र राठोड, चिटणीस राजेश राठोड, सेवानिवृत्त ज्येष्ठ मुख्याध्यापक एम.डी. बागुल, प्राचार्य बी.पी. पाटील, प्राचार्य एस.एस. राठोड, मुख्याध्यापिका मिना बागुल,शेठ नारायण बंकट वाचनालयाचे ग्रंथपाल ग्रंथमित्र अण्णा धुमाळ, पर्यवेक्षक सी.डी. पाटील, लेखक सतीश सूर्यवंशी यांच्या हस्ते नुकतेच करण्यात आले. सतीश सूर्यवंशी लिखित ‘सेल्फी विथ सक्सेस’ पुस्तक त्यांच्याकडून मान्यवरांना भेट दिले जात आहे. त्यामुळे मान्यवरांकडून पुस्तकाचे कौतुक होत आहे.
याबद्दल सेवा सहकारी शिक्षण प्रसारक मंडळाचे संचालक योगेश सुभाष चव्हाण आणि वाडीलालभाऊ राठोड माध्यमिक व उच्च माध्यमिक आश्रमशाळेचे प्राचार्य बी.पी. पाटील यांनी सतीश सूर्यवंशी यांचे स्वागत करुन पुढील यशस्वी वाटचालीसाठी शुभेच्छा दिल्या. याप्रसंगी दोघांचा शाल, पुष्पगुच्छासह पुस्तक सप्रेम भेट देवून त्यांचा सतीश सूर्यवंशी यांनी सत्कार केला. पुस्तकाची आकर्षक मांडणी आणि इतर मजकुराचे त्यांनी कौतुक केले आहे.
