साईमत जळगाव प्रतिनिधी
क्रीडा व युवा सेवा संचालनालय महाराष्ट्र राज्य पुणे, जिल्हा परिषद जळगाव जिल्हा क्रीडा अधिकारी कार्यालय व जळगाव जिल्हा डॉजबॉल असोसिएशन यांच्या संयुक्त विद्यमाने जामनेर येथे झालेल्या शालेय विभागीय डॉजबॉल स्पर्धेत स्वामी विवेकानंद कनिष्ठ महाविद्यालयाचा मुलींचा संघ विजयी झाला, असून सदरचा संघ राज्यस्तरीय स्पर्धेसाठी पात्र झाला आहे.
अंतिम सामन्यांमध्ये नंदुरबार विभागाचा पराभव करून स्वामी विवेकानंद कनिष्ठ महाविद्यालयाचा मुलींचा संघ विजयी झाला. विजयी खेळाडूंना क्रीडा शिक्षक, प्रा.डॉ. रणजीत पाटील यांचे मार्गदर्शन लाभले.
या यशाबद्दल विजयी खेळाडूंचे के.सी.ई. चे अध्यक्ष नंदकुमार बेंडाळे, प्रशासकीय अधिकारी शशिकांत वडोदकर, कोषाध्यक्ष डी. टी. पाटील, स्वामी विवेकानंद कनिष्ठ महाविद्यालयाचे प्राचार्य डॉ. स .ना .भारंबे, उपप्राचार्य के. जी. सपकाळे, पर्यवेक्षक प्रा. आर. बी. ठाकरे, प्रा. डॉ. श्रीकृष्ण बेलोरकर, जिमखाना समिती चेअरमन प्रा. शिल्पा सरोदे , समन्वयक प्रा. स्वाती बराटे , कला शाखा समन्वयक प्रा. उमेश पाटील यांनी अभिनंदन केरात शुभेच्छा दिल्या.