साईमत, भडगाव : प्रतिनिधी
तालुक्यातील कोळगाव येथील कर्मवीर तात्यासाहेब हरी रावजी पाटील, किसान शिक्षण संस्था, भडगाव, संचलीत, गोपीचंद पुना पाटील, कनिष्ठ महाविद्यालयातील पूजा भक्तराज महाजन (४० किलो) आणि नंदिनी लक्ष्मण सूर्यवंशी (४८ किलो) यांनी क्रीडा व युवकसेवा संचलनालय, पुणे तथा जळगाव जिल्हा क्रीडा कार्यालयातर्फे छ.शि.महाराज, क्रीडा संकुल, जळगाव येथे आयोजित १७ वर्षाच्या आतील मुलींच्या जिल्हास्तरीय वुशू स्पर्धेत प्रथमस्थान पटकावले आहे. त्यामुळे त्यांची नाशिकला होणाऱ्या विभागस्तरीय स्पर्धेसाठी निवड झाली आहे. तसेच याच क्रीडा प्रकारात १९ वर्षाच्या आतील मुलांमध्ये अजय वाल्मिक करंकाळ (४८ किलो) वजनी गटात उपविजेतेपद प्राप्त करीत यश संपादन केले आहे.
यशस्वी खेळाडुंना कार्यवाहक रघुनाथ पाटील, आदर्श क्रीडा शिक्षक बी.डी.साळुंखे, राष्ट्रीय खो-खो पंच प्रा.प्रेमचंद चौधरी यांचे मार्गदर्शन लाभले. खेळाडूंच्या यशाबद्दल संस्थेच्या पदाधिकाऱ्यांसह प्राचार्य, शिक्षक-शिक्षकेतर, प्राध्यापक, कर्मचाऱ्यांनी कौतुक केले आहे.
