साईमत, कासोदा, ता.एरंडोल : वार्ताहर
येथील विविध माध्यमिक विद्यालयात भारताचे राष्ट्रपती तथा भारतरत्न डॉ. सर्वपल्ली राधाकृष्णन यांच्या जन्मदिनानिमित्त शिक्षक दिन साजरा करण्यात आला. शिक्षकदिनानिमित्त शाळेतील विद्यार्थ्यांनी शिक्षक बनून शाळेतील तासिका घेऊन ज्ञानार्जनाचे काम केले. शाळेच्या विद्यार्थ्यांनी डॉ. सर्वपल्ली राधाकृष्णन यांच्या प्रतिमेस पुष्पहार अर्पण केला. यावेळी शाळेतील विद्यार्थ्यांनी मनोगत व्यक्त केले. कार्यक्रमाचे सूत्रसंचालन विद्यार्थ्यांनीच केले. त्यात कन्या माध्यमिक विद्यालय, भारती विद्या मंदिर, साधना माध्यमिक विद्यालय, विद्यार्थी व शिक्षकांनी मिळून शिक्षक दिवस साजरा केला.
