केंद्रीय राज्यमंत्री रक्षाताई खडसे यांच्या मागणीस यश
साईमत/मुक्ताईनगर/प्रतिनिधी :
मध्य रेल्वे अंतर्गत रावेर लोकसभा क्षेत्रातील भुसावळ, मलकापूर व नांदुरा येथे विविध रेल्वे एक्सप्रेस गाड्यांना थांबा मिळण्याबाबत केंद्रीय राज्यमंत्री रक्षाताई खडसे यांनी रेल्वे मंत्री अश्विनी वैष्णव यांच्याकडे मागणी केली होती. त्यांनी नांदुरा स्टेशन येथे १२११३/१२११४ पुणे-नागपूर गरीबरथ एक्सप्रेस, मलकापूर स्टेशन २२११७/२२११८ पुणे-अमरावती एक्सप्रेस तर सर्वात महत्वाचे भुसावळ स्टेशन येथे २२२२१/२२२२२ मुंबई – दिल्ली राजधानी एक्सप्रेस अशा तीन गाड्यांना थांबा दिला असल्याने कळविले आहे. केंद्रीय राज्यमंत्री रक्षा खडसे यांच्या मागणीस यश आले असल्याचे खडसे यांच्या कार्यालयाकडून कळविण्यात आलेले आहे.
