साईमत लाईव्ह यावल प्रतिनिधी
महाराष्ट्र राज्य ग्राम रोजगार सेवक संघटना यांच्या मागणी संदर्भात यावल तालुका ग्रामरोजगार सेवक संघटना यांनी काल दि.3 रोजी यावल पंचायत समिती कार्यालया समोर एक दिवसीय राज्यव्यापी लाक्षणिक उपोषण केले.
महाराष्ट्र ग्राम रोजगार सेवक संघटना महाराष्ट्र राज्याच्या वतीने राज्याध्यक्ष विलासराव जोगदंडे, कार्याध्यक्ष बाळासाहेब तायडे, उपाध्यक्ष दयानंद कांबळे, महासचिव राजेंद्र जितकर, कोषाध्यक्ष वासुदेव गोतमारे, यांच्या आदेशान्वये यावल पंचायत समिती येथे एक दिवशीय लक्षण व धरणे आंदोलन पार अध्यक्ष बाळासाहेब तायडे व संघटक खुशाल पाटील यांच्या नेतृत्वाखाली करण्यात आले,ग्राम रोजगार सेवकांच्या 14 वर्षापासून असलेल्या प्रलंबित मागण्यासाठी राज्यव्यापी एक दिवसीय उपोषण व निदर्शने करण्यात आली. शासनाच्या निदर्शनास काही बाबी आणून देण्यात आल्या की ग्रामरोजगार सेवक हा शासन व लाभार्थी या मधला दुवा असून सुद्धा त्याला तात्पुरत्या मानधनावर काम करावे लागते त्याचा उदरनिर्वाह मिळणाऱ्या मानधनावर चालत नाही त्याला नियमानुसार मानधन प्रवास खर्च मिळत नाही शासनाला अनेक वेळा निवेदन देऊनही कसलेही प्रकारची नोंद घेण्यात आली नाही आज मीतिला ग्रामरोजगार सेवक निराशेच्या संकटात सापडलेला आहे.
राज्यात महात्मा गांधी मनरेगा माध्यमातून 264 योजना राबविणाऱ्या ग्राम पातळीवर यासारख्या दिवसभर राबवून वैयक्तिक लाभाच्या योजना मजुराच्या हाताला काम देणाऱ्या आज स्वतःसंसाराचा गाडा चालविण्यास असमर्थ आहे शासनाने व प्रशासनाने मनरेगाच्या माध्यमातून राज्याला प्रगतीपथावर नेण्यासाठी नरेगा योजनेचा मुक्काखाना असणाऱ्या ग्रामरोजगार सेवकाला न्याय देण्याची कृपा करावी व आमच्या खालील प्रकारे मागण्या मान्य कराव्या त्या मागण्या ग्रामरोजगार सेवकांचे आकृतीबंध समायोजन करून शासकीय सेवेत समाविष्ट करावे,किमान वेतन कायद्या अंतर्गत ठराविक मासिक वेतन देण्यात यावी,वैयक्तिक खात्यात मानधन जमा करावे,एन.एम.एम. एस.अंतर्गत हजेरी घेण्याचे बंधनकारक असल्यास अँड्रॉइड मोबाईल व दरमहा नेट पॅक प्रदान करावा कामाच्या ठिकाणी नेटवर्क नसल्यास ऑफलाइन हजेरी मान्य करावी,ग्रामरोजगार सेवकाला विमा संरक्षण प्रदान करण्यात यावे,ग्राम रोजगार सेवकांचे प्रलंबित देयके त्वरित देण्यात यावी सदर मागण्या तात्काळ पूर्ण कराव्यात याकरिता आज रोजी एक दिवशीय राज्यव्यापी उपोषणास यावल रावेरचे आमदार शिरीषदादा चौधरी व सामाजिक कार्यकर्ते अमोल हरिभाऊ जावळे यांनी दूरध्वनीवरून संघटनेच्या कार्यकर्त्यांशी संपर्क साधून जाहीर पाठिंबा दिला.
माजी जि.प.सदस्य प्रभाकर आप्पा सोनवणे राष्ट्रवादी काँग्रेसचे यावल तालुका अध्यक्ष प्रा.मुकेश येवले महाराष्ट्र राज्य सरपंच परीक्षेचे यावल तालुका उपाध्यक्ष असा सय्यद ग्रामपंचायत सदस्य मतीरजादे मारूळ, ग्रामपंचायत सदस्य संजय भालेराव भालोद,सामाजिक कार्यकर्ता मुनाफ तडवी,संभाजी ब्रिगेड व छवा संघटनेचे अध्यक्ष विजय पाटील,सामाजिक संघटनेच्या यावल मतदार संघाच्या महिला प्रमुख लक्ष्मीबाई मेढे,ग्रामपंचायत सदस्य रमेश तायडे,इत्यादी मान्यवरांसह तालुक्यातील अनेक मान्यवरांनी राज्यव्यापी एक दिवसीय उपोषण व आंदोलनाला भेटी देऊन जाहीर पाठिंबा दिला.उपोषणात राज्याचे कार्याध्यक्ष बाळासाहेब तायडे, राज्य संघटक खुशाल पाटील, तालुका अध्यक्ष दीपक कोळी, उपाध्यक्ष वसीम पिंजारी, उपाध्यक्ष अनिल अडकमोल, सचिव सरफराज तडवी, सहसचिव फकीरा तडवी आदी तालुक्यातील संपूर्ण रोजगार सेवक उपस्थित होते.
