सानेगुरुजी स्मारक कर्मभूमीला प्रा. श्याम पवार यांनी दिली एक लाख ११ हजारांची देणगी
साईमत/अमळनेर/प्रतिनिधी
तालुक्याचे शेतकरी संघाचे अध्यक्ष व मराठी वाड्मय मंडळाचे संचालक प्रा. श्याम पवार यांनी साने गुरुजी स्मारक कर्मभूमीला सामाजिक बांधिलकीची जाण ठेवत एक लाख ११ हजार रुपयांची देणगी दिली आहे. त्यांच्या दातृत्वाबद्दल साने गुरुजी स्मारक समितीने त्यांचे अभिनंदन केले आहे.साने गुरुजींच्या १२५ व्या जयंती वर्षानिमित्त खान्देशात १२५ प्रबोधनपर उपक्रम आणि स्मारकाच्या स्ट्रक्चरल हॉलच्या उभारणीचा निर्धार करण्यात आला आहे. यामुळे समाजात साने गुरुजींच्या मानवतेच्या विचारांचा प्रसार करण्यात मदत होईल.
प्रा. श्याम पवार यांचा अनुभव आणि दातृत्व नेहमी स्मारकासाठी लाभदायक ठरला आहे. या कार्यात सर्वांच्या आशीर्वाद, प्रेम आणि सहकार्यातून नवी दिशा प्राप्त होईल, ह्या विश्वासाने काम पुढे जात राहील. प्रा. श्याम पवार यांच्या दातृत्वाबद्दल साने गुरुजी स्मारक कर्मभूमीचे अध्यक्ष व सर्व विश्वस्त मंडळ यांनी अभिनंदन केले आहे. यावेळी गुरुजी स्मारक समितीचे कार्याध्यक्ष चेतन सोनार, कार्यवाह दर्शना पवार, प्रा. श्याम पवार, शुभम पवार आदी उपस्थित होते.
