साईमत लाईव्ह कजगाव प्रतिनिधी
कजगाव ता भडगाव येथील रहिवासी व पोलीस दलात कार्यरत असलेले सुनील दत्तात्रय सोनार यांची पोलीस उपनिरीक्षक पदावर पदोन्नती झाली आहे.
जळगाव पोलीस दलात कार्यरत असलेले सहाय्यक पोलीस उपनिरीक्षक सुनील सोनार यांना पोलीस उपनिरीक्षक ह्या पदावर सेवाजेष्ठतेनुसार पदोन्नतीवर नियुक्ती मिळाली आहे. सोनार यांनी यापूर्वी जळगाव. भुसावळ. मेहुनबारे. नगरदेळा. चाळीसगाव. अश्या विविध ठिकाणी सेवा दिली आहे पोलीस प्रशासनातील एक शिस्तप्रिय पोलीस कर्मचारी म्हणून त्यांची सर्वदूर ओळख आहे यापूर्वी पोलीस प्रशासनात उत्कृष्ठ कामगिरी केल्याबद्दल त्यांचा अनेक वेळा सन्मान झाला आहे.
राज्याचे माजी पोलीस महासंचालक संजय पांडे यांच्या प्रयत्नाने व जळगाव जिल्हा पोलीस अधीक्षक एम रामकुमार यांच्या आदेशाने सदरील नियुक्ती झाली आहे त्यांना मिळालेल्या पदोन्नती बद्दल त्यांचे पोलीस प्रशासनासह कजगाव.गोंडगाव व परिसरातील विविध क्षेत्रातुन अभिनंदन होत आहे पोलीस उपनिरीक्षक असलेले सुनील सोनार हे कजगाव सुवर्णकार समाजाचे अध्यक्ष उद्योजक. विजय सोनार. यांचें जेष्ठ बंधू आहेत.
