साईमत, भडगाव : प्रतिनिधी
कर्मवीर तात्यासाहेब हरी रावजी पाटील किसान शिक्षण संस्था, भडगाव संचलित लाडकुबाई प्राथमिक विद्यामंदिर, भडगाव येथील विद्यार्थिनी राघवी संजू सूर्यवंशी हिची २०२३ मध्ये झालेल्या नीट परीक्षेत तिने घवघवीत यश संपादन केले आहे. तिची एमबीबीएसच्या शिक्षणासाठी तेलंगणा येथील डॉ.पी.एम.आर.मेडिकल कॉलेज, हैदराबादला निवड झाली आहे. राघवी ही साधनाताई प्रतापराव पाटील, माध्यमिक विद्यामंदिर आणि कनिष्ठ महाविद्यालय, आमडदे शाळेतील उपशिक्षक संजू जीवराज सूर्यवंशी, जिल्हा परिषद शाळा वडधे, ता.भडगाव येथील प्राथमिक शिक्षिका ज्योतिका सूर्यवंशी यांची कन्या आहे.
यशाबद्दल भडगाव परिसरात तिचे सर्वत्र कौतुक होत आहे. तसेच संस्थेच्या पदाधिकाऱ्यांसह लाडकुबाई प्राथमिक शाळेचे मुख्याध्यापक कमलेश शिंदे, किसान परिवारातील सर्व प्राचार्य, मुख्याध्यापक, उपमुख्याध्यापक, पर्यवेक्षक, सर्व शिक्षक, शिक्षकेतर कर्मचाऱ्यांनी कौतुक केले आहे.
