साईमत, चाळीसगाव : प्रतिनिधी
नानासो. उत्तमराव पाटील आदिवासी प्राथमिक, माध्यमिक व उच्च माध्यमिक आश्रमशाळा देवळी येथे डॉ. ए.पी.जे. अब्दुल कलाम यांच्या जयंतीनिमित्त वाचन प्रेरणा दिन साजरा करण्यात आला. अध्यक्षस्थानी मुख्याध्यापक तुषार खैरनार होते. कार्यक्रमाचे प्रमुख पाहुणे म्हणून विनोद देसले, अश्विनी कच्छवा यांनी प्रतिमा पूजन करून दीपप्रज्ज्वलन केले. ज्ञानेश्वर पाटील यांनी विद्यार्थ्यांसमोर डॉ. ए.पी.जे. अब्दुल कलाम यांचा जीवनपट मांडला. वाचन प्रेरणा दिनाचे महत्त्व रवींद्र तडवी यांनी स्पष्ट केले. कार्यक्रमाला शाळेचे मुख्याध्यापक, अधीक्षक, शिक्षक, शिक्षकेतर कर्मचारी, विद्यार्थी उपस्थित होते. सूत्रसंचालन विनोद पाटील तर आभार संदीप पाटील यांनी मानले.
