साईमत, चाळीसगाव : प्रतिनिधी
येथील बी. पी. आर्ट्स, एस. एम. ए. सायन्स आणि के.के. सी. कॉमर्स महाविद्यालयाच्या ग्रंथालय विभागातर्फे भारतरत्न डॉ. ए. पी. जे. अब्दुल कलाम यांच्या जयंतीनिमित्त वाचन प्रेरणा दिन साजरा करण्यात आला. याप्रसंगी ग्रंथालय विभागाच्यावतीने ग्रंथ प्रदर्शनाचे आयोजन केले होते. ग्रंथ प्रदर्शनाचे उद्घाटन महाविद्यालयाचे प्राचार्य डॉ.एम. व्ही. बिल्दीकर यांच्या हस्ते करण्यात आले. यावेळी महाविद्यालयाचे उपप्राचार्य डॉ.ए. व्ही. काटे, ग्रंथपाल डॉ. अर्चना कुलकर्णी, सहायक ग्रंथपाल नितीन अहिरे, सचिन जाधव, कैलास बागूल, नरेंद्र देशमुख, महाविद्यालयाचे प्राध्यापक, विद्यार्थी उपस्थित होते. ग्रंथप्रदर्शनाचा लाभ प्राध्यापकांसह विद्यार्थ्यांनी घेतला. यशस्वीतेसाठी ग्रंथालयातील कर्मचाऱ्यांनी परिश्रम घेतले.
