साईमत, लोहारा, ता.पाचोरा : वार्ताहर
येथील ज्येष्ठ नागरिक संघाची साप्ताहिक सभा नुकतीच घेण्यात आली. त्यात ४२ सभासदांना ओळखपत्राचे वाटप करण्यात आले. मकर संक्रांतनिमित्त गावात रॅली काढून ज्येष्ठ महिलांनी तिळगुळ आणि हळदीकुंकवाचा कार्यक्रम घेण्यात आला. रॅलीत ७२ महिला आणि ४३ पुरूषांनी सहभाग नोंदविला. ज्येष्ठ नागरिक संघाने गावात तिळगुळ वाटप करून मकरसंक्रांतीचा सण साजरा केला. त्यामुळे त्यांनी नवीन पिढीला संस्कृतीचे धडे दिले.
भावी नवीन पिढीला आपली भारतीय संस्कृती, येणारे सण, उत्सवाची माहिती व्हावी म्हणून हा सण संपूर्ण लोहारा गावात ज्येष्ठ नागरिकांनी रॅली काढून तरुणांचे लक्ष वेधले. प्रत्येकाला तिळगुळ देऊन शुभाशीर्वाद सुद्धा दिले.
रॅलीत ज्येष्ठ नागरिक संघाचे अध्यक्ष भास्कर अंबिकार, सचिव बाबुलाल बोरसे, आ.आ.पटेल, प्रभाकर चौधरी, लक्ष्मण माळी, श्रीराम कलाल, बाबुलाल सुतार, डब्ल्यू. एस.पाटील आदींनी नियोजन करून सहभाग नोंदविला. कार्यक्रमाची सांगता महादेव मंदिरात ज्येष्ठ नागरिक व कृषीरत्न पुरस्कार प्राप्त विश्वासराव पाटील यांच्या विचारपुष्पातून करण्यात आली.
