Railway Jobs : मुंबईत रेल्वेतील ५९६ पदांसाठी अर्ज सुरू

साईमत प्रतिनिधी  

पदवीधर उमेदवारांसाठी सरकारी सेवेत प्रवेशाची मोठी संधी उपलब्ध झाली आहे. रेल्वे मंत्रालयाच्या वतीने रेल्वे रिक्रूटमेंट बोर्ड्स (RRB) अंतर्गत नॉन-टेक्निकल पॉप्युलर कॅटेगरी (NTPC) अंतर्गत विविध पदांसाठी ५,८१० पदांची मोठी भरती जाहीर करण्यात आली आहे.
त्यापैकी RRB मुंबई विभागात ५९६, तर RRB अहमदाबाद विभागात ७९ पदांसाठी उमेदवारांकडून अर्ज मागवण्यात आले आहेत.

पदे आणि त्यांचा तपशील

या भरतीमध्ये एकूण सहा प्रकारच्या पदांचा समावेश आहे :

1️⃣ चिफ कमर्शियल कम टिकेट सुपरवायझर – १६१ पदे
2️⃣ स्टेशन मास्टर – ६१५ पदे
3️⃣ गुड्स ट्रेन मॅनेजर – ३,४१६ पदे
4️⃣ ज्युनियर अकाऊंट्स असिस्टंट कम टायपिस्ट – ९२१ पदे
5️⃣ सिनियर क्लर्क कम टायपिस्ट – ६३८ पदे
6️⃣ ट्रॅफिक असिस्टंट (कोलकाता मेट्रो) – ५९ पदे

मुंबई रेल्वे विभागांतर्गत सेंट्रल रेल्वे, वेस्टर्न रेल्वे आणि साऊथ सेंट्रल रेल्वे या विभागांमध्ये विविध पदांसाठी भरती केली जाणार आहे.

शैक्षणिक पात्रता आणि वयोमर्यादा

• सर्व पदांसाठी पदवी उत्तीर्ण असणे आवश्यक आहे.

• ज्युनियर अकाऊंट्स असिस्टंट कम टायपिस्ट आणि सिनियर क्लर्क कम टायपिस्ट पदांसाठी संगणकावरील हिंदी/इंग्रजी टायपिंग प्रोफिशियन्सी आवश्यक आहे.

• वयोमर्यादा: १८ ते ३३ वर्षे (१ जानेवारी २०२६ रोजी).

  • इमाव – ३ वर्षे सूट

  • अजा/अज – ५ वर्षे सूट

  • अपंग उमेदवार – १० ते १५ वर्षे सूट

  • विधवा, घटस्फोटीत महिला – इमाव ३८, अजा/अज ४० वर्षेपर्यंत

वेतनश्रेणी

• पद क्र. १ व २: पे-लेव्हल ६ – ₹३५,४००/- (अंदाजे ₹६८,०००/- प्रति महिना)

• पद क्र. ३ ते ५: पे-लेव्हल ५ – ₹२९,२००/- (अंदाजे ₹५७,०००/- प्रति महिना)

• पद क्र. ६: पे-लेव्हल ४ – ₹२५,५००/- (अंदाजे ₹५२,०००/- प्रति महिना)

निवड पद्धती

उमेदवारांची निवड दोन टप्प्यांमध्ये होईल :

1️⃣ CBT-1:
१०० प्रश्न (जनरल अवेअरनेस, मॅथेमॅटिक्स, रिझनिंग) – ९० मिनिटे कालावधी. चुकीच्या उत्तरासाठी १/३ गुण वजा.

2️⃣ CBT-2:
१२० प्रश्न (जनरल अवेअरनेस, मॅथेमॅटिक्स, जनरल इंटेलिजन्स) – ९० मिनिटे कालावधी.

📌 स्टेशन मास्टर व ट्रॅफिक असिस्टंट पदांसाठी कॉम्प्युटर बेस्ड अ‍ॅप्टिट्यूड टेस्ट (CBAT) आवश्यक असेल, तर
टायपिस्ट पदांसाठी टायपिंग स्किल टेस्ट (CBTST) घेण्यात येईल.

अर्ज प्रक्रिया व शुल्क

• अर्ज करण्याची अंतिम तारीख: २० नोव्हेंबर २०२५ (रात्री ११:५९ वाजेपर्यंत)

• अर्ज संकेतस्थळ: www.rrbmumbai.gov.in

• शुल्क:

  • खुला प्रवर्ग – ₹५०० (CBT दिल्यास ₹४०० परत)

  • अजा/अज/महिला/अपंग/माजी सैनिक/अल्पसंख्यांक – ₹२५०

युको बँकेतही ५४४ अॅप्रेंटिस पदांसाठी भरती

रेल्वेसह आता बँकिंग क्षेत्रातही पदवीधरांसाठी सुवर्णसंधी उपलब्ध झाली आहे.
भारत सरकारच्या मालकीच्या युको बँकेने (UCO Bank) अॅप्रेंटिस अॅक्ट १९६१ अंतर्गत ५४४ अॅप्रेंटिस पदांची भरती जाहीर केली आहे.
महाराष्ट्रात ३३ पदे उपलब्ध असून त्यापैकी १५ खुल्या गटातील, ९ इमाव, ५ अजा, २ अज, व २ ईडब्ल्यूएस अशी वाटणी आहे.

पात्रता व अटी

• उमेदवाराने १ एप्रिल २०२१ नंतर पदवी परीक्षा उत्तीर्ण केलेली असावी.

• वयोमर्यादा: २० ते २८ वर्षे (१ ऑक्टोबर २०२५ रोजी).

• प्रशिक्षण कालावधी: १ वर्ष.

• स्टायपेंड: ₹१५,०००/- प्रति महिना.

स्थानिक भाषेच्या ज्ञानाची परीक्षा आवश्यक असून, १०वी किंवा १२वीत त्या राज्याची भाषा शिकलेली असल्यास परीक्षा माफ राहील.

निवड प्रक्रिया

• ऑनलाइन लेखी परीक्षा – १०० गुण, ६० मिनिटे कालावधी.

• प्रश्नपत्रिका चार विषयांवर आधारित –

  1. जनरल अवेअरनेस

  2. इंग्रजी

  3. रिझनिंग व कॉम्प्युटर अ‍ॅप्टिट्यूड

  4. क्वांटिटेटिव्ह अ‍ॅप्टिट्यूड

• निवड निकाल बँकेच्या संकेतस्थळावर प्रसिद्ध केला जाईल.

अर्ज व शुल्क माहिती

• अर्ज संकेतस्थळ: www.uco.bank.in

• अंतिम दिनांक: ५ नोव्हेंबर २०२५

• अर्ज शुल्क:

  • खुला/इमाव/ईडब्ल्यूएस – ₹८००

  • अपंग – ₹४००

  • अजा/अज – शुल्कमुक्त

रेल्वे आणि युको बँकेतील ही दुहेरी भरती मोहीम देशभरातील पदवीधर तरुणांसाठी स्थिर व सुरक्षित करिअरची सुवर्णसंधी ठरत आहे.
उत्तम वेतन, सरकारी सुविधा आणि प्रगतीच्या संधी लक्षात घेता उमेदवारांनी २० नोव्हेंबरपूर्वी रेल्वेसाठी आणि ५ नोव्हेंबरपूर्वी युको बँकेसाठी अर्ज नक्की करावा, असे आवाहन प्रशासनाने केले आहे.