साईमत, धरणगाव : प्रतिनिधी
येथील रहिवासी तथा शिवसेनेचे जुने कार्यकर्ते उबाठा गटाचे उपशहर प्रमुख रवींद्र जाधव यांनी शिवसेनेत प्रवेश केला आहे. जळगाव जिल्ह्याचे पालकमंत्री गुलाबराव पाटील यांच्या नेतृत्वावर विश्वास ठेवून त्यांनी शिवसेनेत प्रवेश केला. याबद्दल त्यांचा पालकमंत्री गुलाबराव पाटील यांनी सत्कार केला.
याप्रसंगी जिल्हा प्रमुख निलेश पाटील, उपजिल्हा प्रमुख पी.एम.पाटील, नगरसेवक वासुदेव चौधरी, शहर प्रमुख विलास महाजन, मागासवर्गीय सेल जिल्हा प्रमुख मुकुंद नन्नवरे, हेमंत चौधरी, कमलेश बोरसे, समाधान पाटील, सचिन पवार, एकनाथ महाजन, सागर पाटील आदी उपस्थित होते.
